व्हॅलेंटाईन-डे रेड लाईट एरियातही साजरा होतो.
तिला सोडवू न शकणारे,
तिच्या सुटकेसाठी आवश्यक असणारे पैसे जवळ नसलेले,
तितकी धमक मनगटात नसलेले,
तिला कोठे न्यायचे आणि
कसे सांभाळायचे याचे उत्तर माहित नसलेले,
पण तिच्यावर मनापासून प्रेम करणारे
आजच्या दिवशी भर दुपारी इथे येताना किंचित सुकून गेलेला,
पाकळ्या झडायच्या बेतात असलेला,
लाली फिकी झालेला थोडासा स्वस्तातला गुलाब
शर्टमध्ये लपवून येतात.
जोडीला पाच पन्नास रुपयांची कचकडयाची भेटवस्तूही आणतात.