कौरव पांडवांच्या द्यूतात बोली लागलेल्या
द्रौपदीसारखे भाग्यही काहींना नसते,
कपडे उतरवण्यासाठीच जिथे जन्म घ्यावा लागतो,
तिथे श्रीकृष्ण कायमस्वरूपी रजेवर असतात.
देवांच्या भाकडकथा विरल्या की
भयाण वास्तवातून प्रसवतो वेदनांचा कभिन्न काळ.
जिथे उस्मरत्या दिशांच्या भिंतीत देहाची कलेवरे
राजरोसपणे चिणली जातात
पंक्चरल्या अवयवांवर मेकअपचे भडक लेप थोपतात
धगधगते जिवंत शरीर त्यात गोठत जाते...
